نماز جمعہ کی دوسری اذان کا جواب دینا

فتاویٰ یسئلونک
دارالافتاء، فقہ اکیڈمی

سوال:حدیث میں ہے کہ مسلمان کو اذان کے ساتھ الفاظ کو دہرانا چاہیے۔اسے وہی کہنا چاہیے جو مؤذن کہے۔سوال یہ ہے کہ جمعے کے روز دوسری اذان کے الفاظ بھی دہرانے چاہییں جو خطبے سے پہلے دی جاتی ہے؟

جواب:نمازِ جمعہ کی دوسری اذان کے وقت خاموش رہنے کا حکم ہے ۔اس لیے اذان کے کلمات کا جواب اور اذان کے بعد کی دعا کا زبان سے پڑھنا درست نہیں اس سے احتراز کرنا چاہیے۔البتہ دل دل میں پڑھنے میں حرج نہیں۔

عن ابن عباس وابن عمر أنهما كانا يكرهان الصلاة والكلام بعد خروج الإمام(مصنف ابن ابی شیبة،کتاب الصلاة،من كان يقولإذا خطب الإمام فلا يصلي)

 وفي هذه الساعة أقوال:أصحها أو من أصحها أنها فيمابين أن يجلس الإمام علی المنبر إلی أن يقضي الصلاة كما هو ثابت في صحيح مسلم عنه صلی الله عليه وسلم أيضا حلية.قال في المعراج : فيسن الدعاء بقلبه لا بلسانه لأنه مأمور بالسكوت (ردالمحتار،کتاب الصلاۃ، باب الجمعة)