نعتِ رسول ﷺ

by ادارہ

ادیب رائے پوری (۱۹۲۸-۲۰۰۴ء)
معروف ادیب اور شاعر

خدا کا ذکر کرے، ذکرِ مصطفیٰ نہ کرے

ہمارے منھ میں ہو ایسی زباں خدا نہ کرے

درِ رسول پہ ایسا کبھی نہیں دیکھا

کوئی سوال کرے اور وہ عطا نہ کرے

کہا خدا نے شفاعت کی بات محشر میں

مرا حبیب کرے، کوئی دوسرا نہ کرے

مدینے جا کے نکلنا نہ شہر سے باہر

خدا نخواستہ یہ زندگی وفا نہ کرے

اسیر جس کو بنا کر رکھیں مدینے میں

تمام عمر رہائی کی وہ دعا نہ کرے

شعورِ نعت بھی ہو اور زبان بھی ہو ادیبؔ

وہ آدمی نہیں جو ان کا حق ادا نہ کرے