نعتِ رسول مقبول ﷺ

by ادارہ

بلال مارہروی
آقا غلام ڈھونڈ رہے ہیں کہاں ہو تم

رونق فزاے محفل کون و مکاں ہو تم

فرماں رواے مملکتِ دوجہاں ہو تم

ہستی تمہاری باعثِ تکوینِ دہر ہے

واللہ، کائنات کی روحِ رواں ہو تم

دنیا کے فیلسوف تمھیں کیا سمجھ سکیں

ہے ماوراے عقل وہ منزل، جہاں ہو تم

بوبکر اور علی ہیں اسی گلستاں کے پھول

جس گلستاں کے شاہ عرب ؛باغباں ہو تم

دنیا تمہارے جلووں کی آئینہ دار ہے

ہر چند چشمِ اہلِ جہاں سے نہاں ہو تم

پھر دینِ حق پہ یورشِ افواجِ کفر ہے

آقا غلام ڈھونڈھ رہے ہیں کہاں ہو تم

ﷺ
*****